Xəbərlər

Vəliyev Nazim Tapdıqoğlunun İttifaq Şəhid Familə həsr etdiyi kitabın təqdimatı oldu

Bu gün bizim üçün həm mənalı, həm də duyğulu bir görüş baş tutdu. Elm və Təhsil İşçiləri Həmkarlar İttifaqı Ağsu Rayon Komitəsinin qonağı olan dəyərli alim tərəfindən ittifaq üzvümüz Elman müəllimə onun qəhrəman oğlu – şəhidimiz Familə həsr olunmuş kitab hədiyyə olundu.

Təqdim olunan kitabın üz qabığında müəllifin həyat yolu və elmi fəaliyyəti əks olunmaqla yanaşı, belə dəyərli insanların şəhidlərimizin xatirəsinə verdiyi qiymət bir daha hiss olunur. Bu əsər yalnız bir kitab deyil, həm də bir ömrün, bir qəhrəmanlığın, Vətən sevgisinin yazıya köçürülmüş ifadəsidir.

Belə görüşlər və hədiyyələr şəhidlərimizin əziz xatirəsinin daim yaşadıldığını göstərir və gələcək nəsillər üçün böyük bir örnəkdir.

Elman müəllimə səbir və dözüm arzulayırıq. Şəhidlərimiz hər zaman qəlbimizdə yaşayacaq!

Allah bütün şəhidlərimizə rəhmət eləsin.

Ağsuda ittifaq üzvləri arasında Ümumlider Ulu Öndərin 103 illiyi münasibətilə Şahmat yarışı təşkil olundu.

Elm və Təhsil İşçiləri Həmkarlar İttifaqı Ağsu rayon komitəsi və Uşaq Gənclər İdman Şahmat Məktəbinin birgə təşkilatçılığı ilə Azərbaycan xalqının ümummilli lideri Heydər Əliyev-in anadan olmasının 103-cü ildönümünə həsr olunmuş şahmat turniri keçirilmişdir.

Tədbirin əsas məqsədi ulu öndərin əziz xatirəsini yad etmək, gənclər arasında şahmat oyununa marağı artırmaq və onların intellektual inkişafına töhfə vermək olmuşdur.

Gərgin və maraqlı mübarizə şəraitində keçən turnirin nəticələrinə əsasən:

I yer – Ağsu şəhər P.Mirzəyev adına 5 nömrəli tam orta ümumtəhsil məktəbinin müəllimi Əbülfəz Qasımov Fədai oğlu

II yer – Ağsu rayonu B.Nəsirov adına Dilman kənd tam orta ümumtəhsil məktəbinin Qəribov Musa Ağamirzə oğlu

III yer – Ağsu rayonu M.Musayev adına İlxıçı kənd tam orta ümumtəhsil məktəbinin müəllimi Əliyev Davud Əli oğlu

Qaliblər təşkilatçılar tərəfindən diplom və hədiyyələrlə mükafatlandırılacaqlar.

Tədbirin təşkilində əməyi olan hər kəsə təşəkkür edir, iştirakçılara gələcək yarışlarda uğurlar arzulayırıq.

Ağsuda Aprel döyüşçüsü Şəhidi Toğrul Fərəczadənin əziz xatirəsi ehtiramla yad edildi.

Bugün aprel döyüşlərində qəhrəmancasına şəhid olmuş Toğrul Fərəczadənin əziz xatirəsi dərin ehtiramla yad edildi

Şəhidimizin anım gününün 10-cu ildönümü münasibətilə keçirilən tədbirdə Rayon İcra Hakimiyyətinin nümayəndələri, YAP üzvləri, hüquq-mühafizə orqanlarının əməkdaşları, təhsil sektoru və ETİHİ Ağsu Rayon Komitəsi iştirak etdilər.

Tədbir zamanı şəhidimizin şərəfli həyat yolu və Vətən uğrunda göstərdiyi igidlik nümunələri bir daha xatırlandı, onun əziz xatirəsi böyük hörmət və minnətdarlıqla yad edildi.

ETİHİ Ağsu Rayon Komitəsi tərəfindən şəhidimizin ailəsinə ehtiram əlaməti olaraq simvolik silah tablosu təqdim olundu.

Bu, qəhrəman şəhidimizin döyüş ruhunun və Vətənə olan sonsuz sevgisinin bir rəmzi kimi dəyərləndirildi.

Ağsuda Şəhid Mikayılov Samid Mikayıl oğlunun "Anım günü" qeyd olundu.

06.04.2026- cı il tarixində Rəhimli kəndində doğulmuş qəhrəmanımız, Şəhid Mikayılov Samidin anım günü qeyd olundu.

Tədbirdə İcra Hakimiyyətinin nümayəndələri, YAP, Təhsil sektoru və ETİHİ Ağsu Rayon Komitəsinin sədri,şəhid ailələri,müharibə iştirakçıları,şəhidin ailə üzvləri və kənd sakinləri iştirak etdilər.

Tədbir Şəhidin təhsil aldığı məktəbdə başladı və əziz xatirəsi yad edildi. Daha sonra onun məzarı ziyarət olundu, ruhuna dualar oxundu.

Daha sonra Şəhidimizin adına inşa olunmuş bulağın açılışı baş tutdu. Elm və Təhsil İşçiləri Həmkarlar İttifaqı Ağsu Rayon Komitəsi olaraq bulağın önünə əkil qoyuldu.

Ağsuda Çaparlı kəndində şəhid İkram Rüstəmovun adına olan abidənin açlışı oldu.

Bu gün Çaparlı məktəbində Şəhid İkram Rüstəmovun əziz xatirəsinə ucaldılmış abidənin açılışı baş tutdu.

Tədbirdə Rayon İcra Hakimiyyətinin nümayəndələri, kənd icra nümayəndəliyi, Yap,Təhsil sektoru,ETİHİ,şəhidin ailə üzvləri və ictimai xadimlər iştirak etdilər.

Çıxışlarda şəhidimizin Vətən uğrunda göstərdiyi qəhrəmanlıqdan bəhs olundu, onun əziz xatirəsinin daim yaşayacağı vurğulandı.

Qeyd olundu ki, bu cür abidələr gələcək nəsillərə vətənpərvərlik ruhunun aşılanmasında mühüm rol oynayır.

Allah bütün şəhidlərimizə rəhmət eləsin, ruhları şad olsun!

ETİHİ AĞSU RAYON KOMİTƏSİNİ TƏŞKİLATÇILIĞI İLƏ AĞSUDA NOVRUZ ŞƏNLİYİ KEÇİRİLDİ.

Elm və Təhsil İşçiləri Həmkarlar İttifaqı Ağsu Rayon Komitəsinin və Aratkənd məktəbinin kollektivi və şagirdləri tərəfindən Novruz bayramına həsr olunmuş tədbir keçirildi.

Tədbir Azərbaycan Respublikasının Dövlət Himninin səsləndirilməsi ilə başladı, daha sonra Vətən uğrunda canlarını fəda etmiş şəhidlərimizin əziz xatirəsi 1 dəqiqəlik sükutla yad edildi.

Bayram tədbirində Novruzun milli-mənəvi dəyərlərimizi əks etdirən ənənələri nümayiş olundu.

Şagirdlərin hazırladığı bədii kompozisiyalar, şeirlər, musiqi nömrələri və maraqlı səhnəciklər iştirakçılar tərəfindən böyük maraqla qarşılandı.

Tədbirə həmçinin 65 yaşı tamam olmuş müəllimlər də dəvət olundu. Onların uzunillik səmərəli fəaliyyətləri yüksək qiymətləndirildi və onlara müxtəlif hədiyyələr təqdim edildİ.

AĞSUDA İTTİFAQ ÜZVLƏRİNİN ÖVLADLARINA NOVRUZ BAĞLAMASI PAYLANILDI.

Azərbaycan Həmkarlar İttifaqları Konfederasiyası tərəfindən təhsil işçilərinin övladları üçün Novruz bayramı münasibətilə hazırlanmış bayram sovqatları şəhərin bir sıra təhsil müəssisələrində paylanılmışdır.

Belə ki, Şəhər 1 saylı məktəb-lisey, 2 nömrəli məktəb, 3 saylı məktəb, 4 saylı məktəb və 5 saylı məktəbdə çalışan təhsil işçilərinin övladlarına "Novruz bağlamaları" təqdim olunmuşdur.

Bu təşəbbüs uşaqların bayram sevincini artırmaqla yanaşı, təhsil işçilərinə göstərilən diqqət və qayğının bariz nümunəsidir.

Bayram sovqatı alan ailələr Azərbaycan Həmkarlar İttifaqları Konfederasiyasına göstərilən diqqətə görə təşəkkürlərini bildirərək, bu cür aksiyaların davamlı olmasını arzulayıblar.

Novruz bayramınız mübarək!

AĞSUDA MƏRHUM NİYAZ MÜƏLLİMİN QƏBRİ VƏ AİLƏSİ ZİYARƏT EDİLDİ.

Bu gün mərhum Niyaz müəllimin əziz xatirəsini yad etmək üçün Dağlıq Şirvan Regional Təhsil İdarəsi Ağsu Rayon Sektorunun müdiri Ramin Mahmudov, Elm və Təhsil İşçiləri Həmkarlar İttifaqı Ağsu Rayon Komitəsinin sədri Sevinc Beybudova və Padar kənd tam orta ümumtəhsil məktəbinin kollektivi ilə birlikdə məzarını ziyarət etdik.

Ziyarət zamanı Niyaz müəllimin məzarı üzərinə əklil qoyuldu, onun əziz xatirəsi böyük ehtiramla yad edildi və ruhuna dualar oxundu.

Uzun illər təhsil sahəsində çalışan Niyaz müəllim öz zəhməti, biliyi və insanlığı ilə həmkarlarının və şagirdlərinin yaddaşında silinməz iz qoymuş, dəyərli müəllimlərimizdən biri olmuşdur.

Onun xatirəsi hər zaman qəlbimizdə yaşayacaq.

Allah rəhmət eləsin, ruhu şad olsun.

ETİHİ Ağsu Rayon Komitəsi !

AĞSUDA PADAR KƏND TAM ORTA MƏKTƏBİN MÜƏLLİMİ NİYAZ MÜƏLLİM VƏFAT ETMİŞDİR.

Dərin hüznlə bildiririk ki, Ağsu rayon Padar kənd tam orta ümumtəhsil məktəbinin dəyərli müəllimi Niyaz müəllim vəfat etmişdir.

Niyaz müəllim uzun illər təhsil sahəsində çalışaraq şagirdlərin savadlı və vətənpərvər ruhda yetişməsinə böyük töhfələr vermiş, həmkarları və şagirdləri arasında daim hörmət və nüfuz qazanmışdır. Onun zəhməti, səmimiyyəti və müəllimlik missiyasına sədaqəti hər zaman xoş xatirələrlə yad ediləcək.

Elm və Təhsil İşçiləri Həmkarlar İttifaqı Ağsu Rayon Komitəsı̇ olaraq mərhum Niyaz müəllimə Allahdan rəhmət diləyir, ailəsinə, yaxınlarına, həmkarlarına və bütün təhsil ictimaiyyətinə dərin hüznlə başsağlığı veririk.

Allah rəhmət eləsin, məkanı cənnət olsun.

Ağsuda 8 Mart tədbiri silsiləli şəkildə davam etdirilir.

Bu gün də Nuran kənd tam orta məktəbində təhsil işçiləri ilə səmimi görüş keçirildi. Görüş zamanı məktəbin müəllim və texniki işçiləri ilə söhbət aparıldı, onların fəaliyyəti və təhsil sahəsində gördükləri işlər yüksək qiymətləndirildi.

Elm və Təhsil İşçiləri Həmkarlar İttifaqı Ağsu Rayon Komitəsi olaraq əməkdaşların sosial rifahı, iş şəraiti və onları narahat edən məsələlər barədə fikir mübadiləsi aparıldı. Eyni zamanda kollektivlə xoş və səmimi mühitdə görüş baş tutdu.

Sonda məktəbin həmkarlar ittifaqı üzvlərinə bayram münasibətilə hədiyyələr təqdim olundu və onlara gələcək fəaliyyətlərində uğurlar arzulanıb.

Elm və Təhsil İşçiləri Həmkarlar Ağsu Rayon Komitəsi olaraq bütün təhsil işçilərinə fəaliyyətlərində uğurlar arzulayırıq

Təqaüddə olan müəllimlər ziyarət

Bu gün 8 Mart – Beynəlxalq Qadınlar Günü münasibətilə təhsildən təqaüdə çıxmış, illərini gənc nəslin yetişməsinə həsr etmiş qocaman müəllimlərimizlə səmimi görüş keçirildi.

Görüş zamanı uzun illər təhsil sahəsində yorulmadan çalışaraq yüzlərlə şagirdə elm və bilik öyrədən müəllimlərimizin zəhməti böyük hörmət və minnətdarlıqla xatırlandı.

Onların təhsilimizin inkişafına verdiyi töhfələr xüsusi vurğulandı, həyat və fəaliyyətləri gənc nəsil üçün nümunə kimi qeyd edildi.

Səmimi söhbət və xoş xatirələr fonunda keçən görüşdə qocaman müəllimlərimizə diqqət və ehtiram göstərildi, bayram münasibətilə təbriklər çatdırıldı və hədiyyələr təqdim olundu

Təhsilin inkişafında əməyi olan bütün müəllimlərimizi bir daha təbrik edir, onlara möhkəm can sağlığı, uzun ömür və firavan günlər arzulayırıq.

Şəhid ailələri ziyarət olundu.

8 Mart Beynəlxalq Qadınlar günü münasibətilə Elm və Təhsil İşçiləri Həmkarlar İttifaqı Ağsu Rayon Komitəsi olaraq Çaparlı kəndinin şəhidi Rüstəmov İkram Novruzəli oğlunun ailəsin, həmkarlar ittifaqının üzvü Nəzakət müəlliməni ziyarət edərək onu təbrik etdik.

Görüş zamanı Nəzakət müəllimə ilə səmimi söhbət aparıldı, onun qayğıları ilə maraqlanıldı.

Qəhrəman şəhidlərimizin əziz xatirəsi xalqımızın qəlbində daim yaşayır. Onların ailələrinə diqqət və qayğı göstərmək hər birimizin mənəvi borcudur.

Şəhid ailələrinin göstərdiyi səbir, dözüm və vətən sevgisi hamımız üçün böyük nümunədir.

Elm və Təhsil İşçiləri Rayon Komitəsi Ağsu Rayon Komitəsi olaraq şəhid ailələrinə daim diqqət və qayğı göstərməyi özümüzə borc bilirik. Nəzakət müəlliməyə möhkəm can sağlığı, uzun ömür arzulayır, şəhidimiz İkramın əziz xatirəsini dərin ehtiramla yad edirik.

Allah bütün şəhidlərimizə rəhmət eləsin, onların əziz xatirəsi hər zaman qəlbimizdə yaşayacaq.